قالوا حبيبك راح واختـــار دنيــــــــاه
**** ****
قلت ان تركني قربوا المـــوت ليّــه
**** ****
الموت ارحم من حيــاتـي بليــــــاه
**** ****
يا كيف ببقى في حيـاتـي هنيّـــة
**** ****
يا موت خذني قبل لا شوف فرقـاه
**** ****
خذني دخيلك قبل تصبــح عليّــــه
**** ****
اختار غيري يوم انا حيـــل اهــواه
**** ****
اختارهـا لجـل الحيـــــاة الدنيّـــــــــة
**** ****
ماقول غير الله يسـامح خطـــايـــاه
**** ****
ويجيه رزقه كل صبــــــح وعشيّـــــه
**** ****
صحيح احبه واعشقــه واتماشـــاه
**** ****
لو هو تركني دون ذنــب وخطيـــــــة
**** ****
ايه اعشقه والقلب عايش بذكــراه
**** ****
وعشق ترابه وانـــدفن فيه حيّــــــــة
**** ****
يا عين هلي دمعتك وقت طريــــاه
**** ****
واسقي عيونه لا لفــتني المنيّــــــة
**** ****
آهات من وقت ٍ حرمني ملاقــــــاه
**** ****
وآهات من حظ ٍ تركـــني ضحيّـــــــــة
؟؟؟؟؟؟؟؟؟؟؟؟؟؟؟؟؟؟؟؟؟
ياطول صبري عليه وما اطول المدّه
والنفس مابين مأمورة ومنهية
الحب والشوق والضيقات والصدة
حطت على وجهي المغبون ماريّه
احدٍ زها له سواد الخال في خده
واحدٍ بخده من هموم الدهر كيه
يقفي به الشك صوب اللوم ويرده
واذا رجع مالقى الا رسمة ثاريّة
وتزيد به ضيقة العشاق وتهده
يبكي على حاجة ماهي بمبكية
يزل واقول يمكن ماهو بوده
غلطة ويمكن على ماقيل عفوية
حتى ولو قالها قاصد ومن جده
يشفع لحاضر غرامه زين ماضيه
اعشقه واشتاق له اهواه واوده
ومن الغلا نسبة المليون فالمية
ألد عيني لكن ماهيب منلده
هو اول الحب في عيني وتاليه
غر قلبي على النسيان واحده
لاشك عيا من النسيان موليه
عزي لحالٍ على فرقاه منحده
وعزي لقلب الا من حل طاريه
يتوق توق الوحش في كف من هده
لاطار مالد عيني صوب راعيه
ياشين فرقى اللذي تغليه وتوده
لاصار حيي ولاتقدر على جيه
جعل ربي يصبري على الشدة
لين مايجتمع غالي وغاليّه
لو طال صبري عليه وطالت المدة
ياحيي شوفه قبل لااموت ياحييه
تبي تنساني..؟ / إنساني /.. فداك اللي مضى كله
يجوز أحيا من فراقك مدامي ميِت بوصالك !!
ترى ما يجحد الواقع سوى خلٍ نسى خله
مثل ما تجحد عيوني حنينٍ حيل يظما لك
مع أني عارف ما أحدٍ يداوي غيرك العله
أسج بحالي لحالي لجل ما ينبري حالك!!
وأكابر من خطا نفسي وأزيد الجرح و أبله
وأتحاول في عبث مضحك أدور غير همالك
حبيبتي حتى لو زولي من غيابك فقد ظله
كفاية شمسك اليا اليوم تنسج حولي ظلالك
تبيني / اعتذر /؟ ( آسف )، لكن وش هي الزله ؟؟
تبيني أجرحك؟ حاضر أنا همك وغربالك
مدام أني سبب دمع حزين ناظرك هله
فـ عساني يا بعد عيني اجل ما اطري على بالك !!
وإذا قالوا لك إن قلبي من فراقك نزف غله
قل إن: مابه بلا ! عسى درب السعد فالك
وأنا والله وثم والله وثم والله وثم والله
لا سوي ما تبي من شان بس تحقق آمالك
ولكن قبل ما تبعدي وتنسى ما مضى كله
أمانه بس علميني وش اللي غير أحوالك!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!
و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!
كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!
كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه
و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه
ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!
منقول
الرئيسية
موضوع: قالوا حبيبتك راح واختار دنياه 
مدام أني سبب دمع حزين ناظرك هله
